Tum aur barsaat

Tumhe barish mein, maine bheegte dekha,
Duniya ki khubsurati se tumhe jeet te dekha,
Tumhare chahre par boonde aise
Moti chhote chhote, Kudrat ne diye ho,
Bas tumhe hi alag hoke

Tumhare baalo ka bheeg kar,chhota ho jana
Aur boondo ka inmein kahi kho jana.
Kaid karna tumhara boondo ko haantho mein
chhupa liya ho chand jaise
Amber ne raato mein

Tumhara jhatakna paani ko tan se aise
Kudrat ne Bichha ho,sitaaron ko zamin par jaise,
Tumhara muskurana aise ..
Sajaya ho satrangi indradhanush
khud indra ne jaise..

wo har lamha meri aankho mein
kaid ho gaya
us din ke baad baarish to aaj bhi
aati hai
par wo pyara sa anubhav kahin
kho gaya ...